Vawiin hian State Institute of Rural Development &Panchayati Raj (SIRD&PR), Mizoram leh Ministry of Law & Justice, Govt. of India buatsaihin ni hnih awh tur "Training of Master Resource Persons on LegalLiteracy/Legal Rights" chu SIRD&PR Auditorium, Durtlang Leitan ah tan a ni.

A hawnna programme hi Pi Maria C.T. Zuali, Director, SIRD&PR in kalhruaiin Pi M.Zohmingthangi, Chairman, Mizoram Women Commission chuan khuallian niin a hman pui.

Training chhung hian thupui hrang hrang- inchhung khura hmeichhiate chunga hleilenna (Domestic Violence), mihring hmanga sumdawnna (Human Trafficking), khua leh tuite dikna chanvo leh mawhphurhnate (Fundamental Rights & Duties), mizo Inneih, Inthen leh Rokhawm Dan, 2014 leh Cyber Crime chungchangte zirhona neih a ni ang. He training programme hi Dr. Lalhruaitluangi Sailo, Core Faculty (SIRD&PR) kaihhruaina hnuaiah neih a ni a, Pu K.Remruatfela, Advocate, Zoram Law Consultancy leh Pu Lalengzuala, Information Officer, ICT Deptt., Govt. of Mizoram ten zirtirna an pe ang.

He training hi Village Council-te hnena zirtima pe chhawng tur leh a zau thei ang ber Dan leh Hrai chungchang puanzar anih theihna tur a buatsaih a ni. SIRD&PR leh Extension Training Centre (ETC), college hrang hrang zirtirtute, SIRD&PR hnuaia MRP leh SLA mi 50 chuang an tel a ni.