Vawiin chawhma dar 11:00 khan Pi M. Sathiyavathy, Addl. Chief Secretary Office-ah Mizoram General Election-a sorkarna siamtur awm huna Ministry lakluh dan tur rel ho a ni.

Ministry lakluh hi a hun la sawitheih loh mah nise, sorkar chuan ruahmanna fel tak lo siam lawk chu a tihtur a nih avangin he meeting hian ruahmanna a hnuai ami ang hian a siam a ni.

Swearing-In-Ceremony (Ministry lakluhna) hi Raj Bhavan(Governor Compound)-ah neih tur a ni ang . Hemi hunah hian chhum lo chatlova electric power supply awm turin Power & Electricity Department chuan hma an la anga, PWD (Electrical) ten a hmunah electric wiring tul ang an buaipui ang.

Information & Public Relations Department (I&PR) leh Protocol lamin sawmna leh reception an buaipui anga, Video/Still Photo/Press Coverage bakah P.A. Set tha tak I&PR lamin an buaipui ang.

Band Party tha tak, Mizoram Police Department ten an buatsaih anga, helai hmuna motor parking leh traffic control lam pawh police te kutah dah a ni. Horticulture Department in a hmunah pangpar mawitak khawi an mawhphur dawn a, ei leh in buatsaih turin Raj Bhavan lamin tan an la ang. Sawmna chhut leh semchhuah lam chu Protocol leh Printing & Stationeries ten an buaipui ang.

Mizoram Governor-in Chief Minister leh Minister lakluh turte thutiam a sawi tir anga, Chief Secretary-in Official lam atanga sawi tur pawimawhte a puang anga, inkhawm a kaihhruai ang tiin rel a ni.