Vawiin khan Mizoram State Tobacco Control Society (MSTCS) leh Mizoram State Cancer Institute (MSCI) te tangkawp chuan State Referral Hospital Falkawn-ah Cancer & Anti Tobacco Awareness Programme cum Screening Camp nei in hun an hmang. He hunah hian Falkawn leh a chhehvel khaw nu ho chu PAP SMEAR (Chhul Hmawr Endikna) an neih pui bawk a ni.

He hunah hian Dr.Lalbiakkima, Director, Hospital & Medical Education chu khuallian ni in kalkhawm te hnenah thuchah a sawi a; Dr.K.Lalbiakzuala, Director, Mizoram State Cancer Institute kaihhruaina hnuaiah hun hman a ni. Dr. Jeremy L. Pautu, MD, DM, Head of Department, Oncology, Mizoram State Cancer Institute chuan “Cancer chungchanga hriattur tulte” tih hmangin zirtirna a pe a, hemi hnu hian Dr. Jane R. Ralte, Dy. Medical Superintendent, State Referral Hospital, Falkawn cum State Nodal Officer, Mizoram State Tobacco Control Society chuan “Vaihlo leh a kaihhnawih chungchanga hriattur tulte” inzirtirna hun a nei bawk.

Hemi ni a Screening Camp hi Dr. D. Baruah, Dr. Lalrintluanga, Dr. Lalrinfela leh Dr. Hmingmawia ten an vil a, private Doctor atangin Dr. D.Baruah leh Dr.Lalrintluanga te hian hemi ni hian Civil Hospital rate in Endoscopy an en sak bawk a ni. He programme hi Falkawn leh a chhehvel khua te chuan an hlut hle a, programme chhimtu pawh an thahnem hle a, he hun buatsaihtute chungah hian an lawm hle a ni.