Vawiin khan Pu K.S. Thanga, Parliamentary Secretary, Minor Irrigation etc. changtu chuan Minor Irrigation Department buatsaih PWD Account Code Training for Officers and Staff a hmanpui.

Hawnna inkhawmah thu sawiin Pu KS Thanga chuan Engineering dang anga Accounts felfai zawk hmanga rahbi thar a lo rap chho ta chu lawmawm a ti a, Minor Irrigation chu Department naupang tak ni mahse Zoram mipui te mamawh Zoram intodelhna kawnga a hnarkaitu a lo nih tak zia te tarlangin Deptt. a thawktute chu dawngdahna leh zelthel tak chunga awm mai mai theih an nih loh zia sawiin thahnemngai taka an pawimawhna hria a thawk turin a fuih a ni. Tun sawrkar thar ah hi chuan tute emaw hlauh avanga hna in a chhiat phah hi kan phal dawn lo a ni tiin Deptt. thuam chak leh zual tur leh Office hmun tur pawh hmun remchang dap mek a nih thu a sawi bawk a ni