Vawiin chawhnu ah khan Chief Minister’s Conference Hall ah Minor Irrigation Minister Pu Lal Thanzara leh sawrkar mi pawimawh ten Ministry of Water Resources, River Development and Ganga Rejuvenation leh World Bank tangkawp in India ram pumpui huap a project pawimawh tak kalpui a tum, National Hydrology Project – 3(NHP-3) chungchang leh hetproject atana Mizoram in hma a lak dantur te sawihona an nei.

Rs. 3000 Crore hmanna tur NHP-3 ah hian Mizoram in a chan tur chu Rs. 50 Crore chuang hret niin Central leh State in sum an in tum sem dan tur hi 90:10 ah ruahman a ni a. Financial Year 2015-26 atanga Financial Year 2022-23 thleng awh tur,NHP-3 hian kum khat chhunga India ram chhunga lui luang, tuihna chi hrang hrang leh ruah tlak tam dan mumal taka chhinchhiah leh chu mi behchhan a siamchhuah, water information and application system database atanga information leh data rintlak tak atanga Agriculture, power leh project pawimawh tak tak siamna atana hman tangkai bakah sik leh sa, khawchhin hriat lawk theih nana hman tangkai a tum a ni. NHP-3 hian Tuilian leh Khawkheng hmachhawn laka invenlawk dan tur ruahmanna siam pawh a ti awlsam hle dawn a.NHP-3 hi Agriculture, Minor Irrigation, Power & Electricity, Rural Development, Horticulture, Soil & Water Conservation Department te bakah Department tam tak hmalak nana tang kai hle turah ngaih a ni.

Er. Lalthanliana, Chief Engineer leh Er. K.Hamlet, E.E., Minor Irrigation Department ten NHP-3 chungchang, hmalak a nih dan tur leh Mizoram in a chhawr tangkai dan tur te Meeting ah hian an pholang a. Principal Secretary to Chief Minister Pu Lal Ramthanga, Finance Commissioner Pi L.N. Tochhawng, PHE & Minor Irrigation Secretary Er.Lianchungnunga, Er. R.Lalfanliana, E-in-C, PHED, Planning & Programme Implemantation hotute leh Official pawimawh te pawh meeting ah hian tel in NHP-3 chungchang bakah Mizoram in he project hi a kalpui thei dawn em tih te an sawiho nghal a ni.