DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/mipui-hrisel-tlan-nan-lockdown-laiin-taksa-insawizawi-uar-turin-insawmp

MIPUI HRISEL TLAN NAN LOCKDOWN LAIIN TAKSA INSAWIZAWI UAR TURIN INSAWM

No.133/2020-2021

Mizoram Governor Pu PS Sreedharan Pillai, Chief Minister Pu Zoramthanga, Sports & Youth Services Minister Pu Robert Romawia Royte leh ram hruaitu dangte chuan Covid-19 hripui leng avanga rampum inkharkhipna kalpui mek chhung hian taksa hriselna kawngah mipuite an inthlah dul loh nan taksa sawizawina lam ngaihThah lo turin an chah.

Ram hruaitute hian taksa hriselna ngai pawimawh in anmahni inchhungah insawizawina an kalnpui thin a. Mipui pawh an hun awl an neih te hmang tangkai a, inchhungah anmahni remchan dan ang theuh a taksa insawizawina kalpui turin an sawm a. Hetihlai hian Mizo infiammi national player te pawhin taksa sawizawi chu mahni inlumah ngawrh takin an kalpui thin thu an sawi bawk a ni