Vawiin khan Govt Mamit High School -II ah Road Safety Week puala hun hman kalzelah mipui phur thin leh bungraw phur thin Lirthei khaltute tana fimkhur taka lirthei khalh tura inzirtirna hun hman a ni.

He hunah hian Mamit to Aizawl Maxi Cab khalhtute leh Mamit khawpui chhunga Taxi khalhtute bakah Truck leh pickup Driver leh Owners te kohkhawm niin Pu Benjamin Vanlalhmangaiha Sailo, Inspector, MVI chuan Rules of the Road Regulations chungchang, Drivers manner  chungchangah zirtirna pe-in Pu T. Thuamchungnunga SI I/C Traffic chuan Traffic Rules bakah Insuarance pawimawhna chungchangah zirtirna pe-in  Pu Lalsangzuala Ralte Inspector Excise & Narcotics chuan mipui phur lirthei khalhtute chu zu leh Drugs rui chunga motor khalh chu dan chu kalh tlat a nih thute leh a hremna pawh na tak a nih thusawiin hemi kawngah hian Motor khalhtute leh neitute tanrual puiah sawmin, Mamit District chhunga zu leh ruihhlo dona kawngah theihtawp chhuaha tangrual turin a sawm a ni,

He hun hi Pu C. Lalawmpuia  District Transport Officer chuan kaihruaiin driver te nen thawk ho tur kan nih zia te, dan zawm a tul zia te leh insurance tih a pawimawh zia te a sawi a. Road Safety Week hman a nih chhungin zirlai naupangte leh Mipui phur lirthei khalhtute hnenah zirtirna pek niin mipui mimir  te'n lirthei chungchanga himna thu kan hriat theihnan Mamit District khawtin V/C te hnena tlangau hmanga a tam thei ang ber puangzar tura tih an nih bakah Week chhung hian Dan zawmlo leh Document felfai lova lirthei khalhtute dapchhuah hna Mamit khawpui chhung bakah District chhung khawlian zualah te kalpui a nih thu a sawi. Lirthei khalhtute chu mithiam zawkte thusawi zawma mipuite nunna an kuta awm a nih hrereng chunga Lirthei khalh thin turin a chah a ni.