Krismas leh Kumthar a lo hnaih leh tak avangin, mipui punkhawm tamna bik, Millenium Centre chhehvel, Bazar leh hmun danga mipuite himna atan Ni 15.12.2014 atanga hman tan turin lirthei tlan dan tur ruahman a ni a. Hei hian zinglam dar 10:00 AM atanga tlailam dar 6:00 PM thleng a huam ang.

1. Aizawl chhimlam atanga hmarlam pan lirthei Millenium Centre parking-a lut tur te, Dawrpui Biak in chhaka chhimlama kual let tur te leh City Bus service-te chauh Millenium Centre kawt kawng hnuaiah an tlan thei anga. City Bus Stand, Civil Hospital thlang ami chu Aizawl PS thlang Transformer hnuaiah sawn phei a ni ang.

Zarkawt lama tlan tlang tur lirthei reng reng chuan Aizawl PS panna kawng, Millenium Centre chhak atangin hmarlam an pan ang.

2. Millenium Centre hnuai motor parking atanga chhuak, chhimlam pan duh te chu Dawrpui Biak in chhak, Maj. Laldailova Point kaltlangin chhimlam panin an kal nghal thei ang.

3. Aizawl hmarlam (Zarkawt) atanga Millenium Centre hnuai parking-a lut duh te chu direct in an lut chho thei ang.

4. Aizawl hmarlam (Zarkawt) atangin Millenium Centre chhak Babu tlang lamah a chhoh theih loh ang.

5. Babu tlang leh Aizawl PS atanga lirthei chhuak te chu Prison Office kawt atangin hmarlamah R.Thansanga point lamah kal vek tur a ni. Aizawl PS peng lam hawi in chhimlamah chhuk loh tur a ni.

6. Motor tlan dan tihdanglam anih avanga, Motor kual tur leh inpelh na a tihbuai theih dawn avangin Millenium Centre chhak two wheeler parking hi hemi hun chhung atan thiah rih a ni anga, lirthei hun (Parking) phalloh a ni.

7. City Bus, Chanmari atang chhimlam rawn pan turte chu Zarkawt kawng chungah lo pheiin Israel Point an pawh leh anga, Zarkawt-a Pu M.Dawngliana kawt two wheeler parking chu thiat in City Bus Stand-ah hman a ni ang.

Hei hian ni 23, 24 leh 31 December, 2014-a ‘No Vehicle Zone’ hman tur ni te a huam lo ang.