Pu Rodingliana Chawngthu, MPS, Sr. Superintendent of Police, Aizawl Traffic  chuan Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988 in thuneihna a pek ang leh Presbytery Organising Committee, Chawlhhmun Kohhran ten ngenna an siam bawhzuiin, Chawlhhmun Kohhran ten Aizawl West-II Presbytery Vawi-5 na October ni 10 – 13 chhunga 2019 an thlen dawn avangin, mipuite him zawk nan lirthei tlan dan tur ruahmanna a hnuai ami ang hian a siam.

Chawlhmun Presbyterian Kohhran a Aizawl West-II Presbytery Inkhawmpui neih hun chhung October ni 12 & 13, 2019 ah inkhawm tan hma leh inkhawm ban lai in Chawlhhmun veng chhung kawng thenkhat chu one way in lirthei an tlan a ngai dawn a, lirthei vei vak te chu Tlana lungdawh kawn atanga lutin Ropaiabawk ah an chhuak thin ang. He thupek hi October ni 12 & 13, 2019  chhung hman tur a ni.

He thupek hian chhiatrupna thil, kangmei leh emergency kaihhnawiha duty leh dan leh thupek pawimawh bika Police leh Magistrate duty te chetvelna erawh a huam lo ang.