Pu Rodingliana Chawngthu, MPS, Sr. Superintendent of Police, Aizawl Traffic chuan Mizoram State Sawrkar Notification No.B. 12021/10/04-TRP Dt.22.8.2008 leh Section 115 &117 of MV Act. 1988 in thuneihna a pek angin, Aizawl District Disaster Management Authority ten Chanmari atanga Chaltlang inkarah kopanga lung tla maitur thenfai hna an thawh dawn avangin Chanmari atanga Chaltlang inkar kawngpui chu October ni 8, 2019 (thawhlehni) atanga thenfai zawh anih hma zawng chhun dar 11:00 am atanga tlai dar 2:00 pm inkarah lirthei eng chi mah tlan tlang phal a nih dawn lo tih mipuite a hriattir a, kan himna tur atana ruahmanna siam a ni tih hria a zawm theuh turin mipuite a ngen a ni.

Lirthei tlan tlang phalloh chhung hian. City Bus leh MMV dangte chu Chanmari atangin Bawngkawn lamah Ramhlun road kaltlangin an tlan rih dawn a, chuvangin Ramhlun kawngpui dungah lirthei eng chi mah hung hnawk lo turin hriattirna a chhuah nghal bawk.

He thupek hian chhiatrupna thil, kangmei leh emergency kaihhnawiha duty leh dan leh thupek pawimawh bika Police leh Magistrate duty te chetvelna erawh a huam lo ang.