275/2023-2024

Mamit 1st May, 2023 : West Phaileng, Dinthar veng chhung Bazar atanga Workshop veng short cut na kawng hi a zim avang leh a chhuk chhoh em avangin lirthei LMV leh a aia lian load la tan tlan a him lova hriat a nih avangin helai kawnga lirthei tlan dan ruahmanna thar siam tula hriat a ni a, Pi Lalthangpuii Pulamte, MPS Superintendent Of Police, Mamit District chuan Motor Vehicles Act, 1988 ( Act 59 of 1988) Section 115 leh Mizoram Sawrkar Notification No. B. 12021/10/2004-TRP Dt. 01.06.2020 in thuneihna a pek angin West Phaileng, Dinthar veng Bazar atanga Workshop veng panna kawngah hian lirthei LMV leh a aia lian load la chungin chhuk leh chho zawnga tlan phal a ni lo tih thupek a chhuah:-

Thupek bawhchhia chu U/s 179 MV Act hmanga hrem theih an ni ang.

Lirthei khalhtu te leh passenger te tana himna tur zawk a nih avangin thupek hi zawm theuh turin mipuite ngen leh hriattir kan ni.