564/2024-2025

Mamit 26th May, 2024 : State Meteorological Centre, Government of Mizoram thuchhuahin a tarlan danin Bay of Bengal tuipui atanga Cyclone insiam mek chuan a hrut theih tur zingah Mizoram tel lo mahse ni 26th & 27th May, 2024 chhung hian ruah tam tham tak a sur thei niin mithiam ten an chhut a, thli pawh na vak lo (50-70 kmph) vela thawk thei tura ngaih a ni bawk.

Ruahsur nasa leh thlipui tleh avanga mipuite chiai lo turin kan inhriattir a. Chutihlaiin, Furpui chhunga ruahsur nasa leh thlipui tleh avanga chhiatna hrang hrang thleng thei laka kan him theih nan heng ahnuaia inkaihhruaina te hi Mamit District mipuiten  zawm turin kan inngen a ni.

1.Mahni In leh lo te thli leh ruah dawl thei thei turin a tul anga thawmtha tur leh rangva leh thil dang thlawk thei awmte hmun him lama senghawi tur a ni a, tuichhe paihna leh tuihawk luankawr te mumal taka siam bawk tur a ni.
2.Mahni In leh a velah leimin mai thei a awm anih chuan Silpaulin/Tarpaulin-a khuh hul that bawk tur a ni. Tin, thlipui laka In him tawk loa cheng te, hmun him lama insawn chhuak rih tura hriattir an ni.
3.Thli leh ruah thawh hun laiin Lui, tui hmun leh ramhnuaiah te kal loh tur a ni.
4.Thing leh mau, thliin a len thluk mai theih leh electric wire nena in si mai thei te chu kih emaw, a zar thlak tur a ni.
5.Mamit District chhunga Village Disaster Management Committee (VDMC) tin leh tlawmngai pawlte pawh inralring theuh turin kan inngen a. Ralkhel leh chiai mai lovin tanpui ngai an awm apianga a tul dan ang zela che chhuak thei tura inbuatsaih theuh turin kan inngen e. 
6.Thudik tawk lo leh thu belhchian dawl lo thehdarh loh tur a ni a. Chutiang thehdarh an awm a nih chuan DM Act 2005 hnuaia hremna angin an chungah action lak theih a ni ang.

Ruahsur nasa avanga chhiatna thleng palh a awm a nih chuan Mamit District Emergency Operation Centre – Phone No. 0389-2565025/8787764678/7627952928 - ah te biakpawh theih reng a ni. Tin, mahni bialtu Zonal Officer SDO (C) emaw BDO te hnenah a rang thei ang bera hriattir tur a ni bawk. Mamit District mipuite Khuarel chhiatna laka kan lo him tlan zawk theih nan he thuchhuah hi ngai pawimawha, zawm theuh turin kan inngen e.

Attachment

  • Loading attachment...