2527/2025-2026
Dated Aizawl, the 4th December, 2025: Mizoram State Mixed Martial Arts Association (MISMA) fighter Nazareth Lalthazuala s/o Lalhratthanga, Zemabawk East, chuan November ni 28 khan Bangkok, Thailand-ah ONE Championship buatsaih ONE Friday Fights 135-ah Japanese fighter tha Moa Suzuki (3-0-0) nen intumin, first round-ah 16 seconds chhungin KO-in a hneh a ni.
MISMA fighter Nazareth-a hi Mizoram Fight League fly weight title belt holder a ni mek a, MISMA huaihawt State Championship-ah champion a lo ni tawh bawk a. MISMA hian sponsorship zawn sakin National championship vawi thum a khelhah, a champion vek a. Chumi hnuah professional line ah lutin, tunah hian 6 win leh 0 loss record a nei mek a ni.
ONE Championship hi khawvela promotion company lian berte zing ami niin contract hmuh pawh thil harsa tak, titha bik leh hnehna record nei thate chauhin an hmuh theih a ni a. Nazareth-a performance thatzia hmuin ONE Championship chuan contract a sign pui a, a debut fight-ah Japanese fighter Moa Suzuki chu KO-in a hneh a, Indian fighter zingah performance tha berte zing ami niin record a siam a. Hlawh tha tak a nei a, Mizo ten kan tih chi tak nia ngaiin, ṭhalaite tan entawn tlak ni turin beih zel a tum a, MISMA pawhin theih tawpin promote zel an tum a ni. Tunah hian Nazareth-a hi Assam-a MMA gym-ah sponsor hmuin training-in a awm mek a ni.
