96/2026-2027

Aizawl, 09.04.2026: Women & Child Development hnuaia Mission Shakti (Safety, Security & Empowerment of Women) - Hmeichhiate venhimna, humhimna leh chawikanna programme kalpui mek hnuaiah ni thum chhung awh tur Annual Review Meet cum Training chu vawiin khan I&PR Lianchhiari Run Conference Hall-ah neih a ni.

Nimin khan Director Women & Child Development Director Pi Zoramthangi Chhangte hovin District tina Officer te nen Review Meeting cum training hi neih a ni tawh a. Vawiin khan Mission Shakti hnuaia thawktu te District zawng zawng ami te nen Annual Review Meet cum Training hi neih leh niin, ni 10 thleng neih a ni ang. Kum kaltaa hnathawh dan thlir letna neih bakah hmalak zel dan tur sawiho a ni a; Hmeichhia te venhim, humhim leh chawikanna kawnga hmasawnna nei turin training hi buatsaih a ni bawk. Mission Shakti Annual Review Meet cum Training hi Pi Zonunthari, Joint Secretary, SWWCD Department in a hawng a, Pi Zoramthangi Chhangte Director WCD in a kaihruai a ni.

Hemi rual hian Poshan Pakhwada (Nutrition Fortnight),  April ni 9 atang ni 23, 2026 thleng awh tur chu Pi Zoramthangi Chhangte Director WCD in a hawng nghal a, Poshan Pakhwada hman dan tur sawifiahna te neih nghal niin, Mizoram mai nilo, India ram pumpuia hman tur a nih thu a sawi. Hemi atan hian Zoram mipui te kan theihna zawn theuh a lo tawiawm a hma lo lakpui turin Women & Child Development Department chuan a ngen a ni.