Mizoram Basketball Association Silver Jubilee Basketball Championship-2009 for Sub Junior Boys Zarkawt YMA Recreation Centre a neih chu nimin khan zawhfel a ni a, Pu Zodintluanga, Sports & Youth Services Minister chu khuallian a ni.

Minister chuan Basketball hmasawn nana sawrkar hmalakna hrang hrang sawilangin indoor stadium engemawzat sak mek anih bakah Basketball Court awmsa te pawh siamthat hna thawh mek a nih thu te leh Serchhip ah mi 5000 thut theihna tur khelmual siam a nih tur thu te a sawi a. Sawrkar-in thalai te tan infiamna lama hmalakna a neihte hi hmang tangkai a, eizawnna atana hmang thei ngei turin Minister chuan a chah bawk.

He Championship ah hian team 19 an tel a, final ah Mission Vengthlang Team leh College Veng Team te an in tum a, Mission Vengthlang Team hi  44 : 35 in an chak a ni.