Zofate zinga Pathian rawngbawltu lar tak Rev. Liangkhaia pian champhaphak 125 pualin vawiin khan Aizawl Vanapa Hall-ah Seminar leh Exhibition neih a ni a. Mizoram sorkar Art & Culture Minister P.C. Zoram Sanglianan a hmanpui.
Vawiin hun hi Sahitya Akademi, NECOL, Mizo Academy of Letters leh ZOPPEN Club International te tangkawp buatsaih a ni a. Khuallian Art & Culture Minister chuan Hnam changkang leh upa zawk ten ram leh hnam tana mi tangkaite chawimawia an pian champhaphak an lawm thin anga Zofate zinga mi hmingtha rev. Liangkhaia kum 125 na puala hun buatsaih a ni chu a lawmawm hle a ni a ti a. A chanchin chipchiar taka tarlangin a thawhrimna leh a inpekna te chu thangtharten hre reng se a duh thu Minister hian a tarlang.
Vawiin Seminar-ah hian Mizo Literature lam hawi lehkhabu 8 lai tlangzarh a ni a. Khuallian hian Rev. Liangkhaia ziak Thu Sawm Pek Hrialhfiahna tih leh Prof. Laltluangliana Khiangte ziak Korea & Ram Fan thu khawchang a tlangzarh a ni. Lehkhabu dangte chu Mizo zinga Padma Shri lo dawng tawhtu 6 ten an tlangzarh bawk. Chungte chu : C. Rokhuma - Chhandamna Thu by Rev. Liangkhaia; Brig. T. Sailo - Pathian chatuan remruat by Rev. Liangkhaia; Khawlkungi - Mizorama harhna thu by Rev. Liangkhaia; Rev. Lalsawma - Mizo awmdan hlui by Rev. Liangkhaia; Prof. Darchhawna - Mizo Hla leh chham hla te by Prof. Laltluangliana Khiangte leh Pu Lalthangfala Sailo - Mizos of North East India by Prof. Laltluangliana Khiangte te an ni.
Inkhawm tan hma hian Exhibition chu INTACH Mizoram Chapter Convener Pu P. Rohmingthanga IAS (Rtd.) in Vanapa Hall bathlarah a hawng a. Seminar neih zui nghal niin mithiam thlan chhuah Rev. Z.T. Sangkhuma, Dr. J.V. Hluna, Pu B. Lalthangliana, Dr. R.L. Thanmawia ten Rev. Liangkhaia chanchin thupui hrang hrang hmangin an sawi zui.
Vawiin Seminar-ah hian Mizo Literature lam hawi lehkhabu 8 lai tlangzarh a ni a. Khuallian hian Rev. Liangkhaia ziak Thu Sawm Pek Hrialhfiahna tih leh Prof. Laltluangliana Khiangte ziak Korea & Ram Fan thu khawchang a tlangzarh a ni. Lehkhabu dangte chu Mizo zinga Padma Shri lo dawng tawhtu 6 ten an tlangzarh bawk. Chungte chu : C. Rokhuma - Chhandamna Thu by Rev. Liangkhaia; Brig. T. Sailo - Pathian chatuan remruat by Rev. Liangkhaia; Khawlkungi - Mizorama harhna thu by Rev. Liangkhaia; Rev. Lalsawma - Mizo awmdan hlui by Rev. Liangkhaia; Prof. Darchhawna - Mizo Hla leh chham hla te by Prof. Laltluangliana Khiangte leh Pu Lalthangfala Sailo - Mizos of North East India by Prof. Laltluangliana Khiangte te an ni.
Inkhawm tan hma hian Exhibition chu INTACH Mizoram Chapter Convener Pu P. Rohmingthanga IAS (Rtd.) in Vanapa Hall bathlarah a hawng a. Seminar neih zui nghal niin mithiam thlan chhuah Rev. Z.T. Sangkhuma, Dr. J.V. Hluna, Pu B. Lalthangliana, Dr. R.L. Thanmawia ten Rev. Liangkhaia chanchin thupui hrang hrang hmangin an sawi zui.
