NEC Secretary Pu U.K.Sangma, IAS chuan vawiin tlai 3:45 pm khan Chief Minister Pu Lal Thanhawla a hmu a, Education Reforms Commission Report chu NEC leh DoNER Ministry te pawhin tha an tih thu leh hmarchhak state dang te tan pawha hman tlaka an ngaih thu a hrilh a. Chief Minister chuan Mizoram Sorkarin Medical College din tura hma a lak mek dante a sawipui a, NEC Secretary chuan Mizoram-a Medical College din tum chu Regional Medical College anga kalpui a nih chuan State dangte pawhin an chhawr tangkai theih tur thu leh NEC pawhin a tul anga senso a tumpui theih tur thu a hrilh bawk. NEC Secretary hian Governor leh Chief Secretary te pawh a kawm a, Champhai-a Land Customs Station leh NEC hnuaia project dang te pawh a tlawh nghal dawn a ni.