No.2202/2020-2020

Lawngtlai, Nikir thla ni 19, 2020: Vawiin khan Mizoram Secondary School Teachers' Association (MISSTA), Sub-Headquarters Lawngtlai chuan COVID-19 do nan Lawngtlai District Level Task Force (DLTF) hnenah pawisa fai Rs 1,00,000/- (nuai khat) an hlan.

MISSTA member-te hian May thlaa an hlawhpui (basic pay) atanga zaa panga (5%) an chhun khawm atangin tanpuina hi an hlan a. MISSTA Sub-Headquarters ai awhin President Pi Vanlalhlupuii Fanai chuan hlanin, Lawngtlai DLTF Chairman, Bawrhsap Dr Andrew H. Vanlaldika'n a lo dawng a ni.

Bawrhsap Dr Andrew H. Vanlaldika chuan Lawngtlai District-ah mi thahnem ngai leh inpe tak takte'n sawrkar thawhpui a, an tha tihchak nana sum, thlai, thei leh thilpek chi hrang hrang an pe thin chu lawmawm a tih thu a sawi a. He'ng thilpekte hian sawrkar a chhawk zangkhai hle a, hripui dona kawnga sawrkar, tlawmngai pawl, kohhran leh mipuite tan rualna tilangtu a ni, a ti.