Kum 1958 a Govt. Mizo High School-a Class X (pawl sawm) zir hoten kum 56 hnu, vawiin 24.10.2014 khan Lt. Col Z.S. Zuala, MLA, Parliamentary Secretary in ah inhmuhkhawmna (Re-Union) an nei a, an hunlaia an zirtirtu la dam te : 1) Pi Zokhumi, Mission Veng; 2) Pi Remveli, Chanmari; 3) Pu Hrangkiaua, Chanmari; 4) Pu K. Zomawia, Zarkawt leh 5) Dr. L.N. Tluanga, Mission Veng te chawimawina pangpar leh thuziak (Citation) an hlan. Hlim taka inkawm hoin tlai lamah chawhlui an kil ho a. An vai hian kum 70 leh 80 inkar vek an ni tawh hlawm a, an zirtirtute pawh kum 80 chuang vek an ni tawh. Kum 1958 a matric exam zinga chatuan ram pan tawhte sunna hun urhsun takin an hmang bawk.

Kum 1958 a Govt. Mizo High School a kal thin hruaitute chu :

Chairman : Upa Dr. L. Ringluaia

Secretary : Upa C. Hmingthanga

Members : 1) Lt. Col. Z.S. Zuala; 2) Pu R. Vanlalmaka