Vawiin chawhnu dar 1 khan Parliamentary Secretary Pu Joseph Lalhimpuia chuan a pisa-ah ‘Mary Winchester Zoluti Chanchin’ tih lehkhabu, Familia Fanai Laltansanga ziah chu a tlangzarh. Lehkhabu tlangzarh ruala thu a sawiah Parliamentary Secretary Pu Joseph Lalhimpuia chuan Mizo zirlai te, Thalai te leh lehkhathiam te tana lehkhabu ropui tak tling tur tlangzarh thar chuan midangah chona lian tak ni se a tih thu a sawi a. Mizo hnam chu thu inhlanchhawn hmanga thil inhrilh thin, a taka hmuh tur awm mumal lo, kan hnam nunphung leh history te pawh a tam zawk chu hnam dangte min ziahsak kan ni a, Mizo hnam chanchin inziahna lehkhabu tha tak kan nei ta chu lawmawm a tih thu a sawi a ni.

Pu Joseph Lalhimpuia chuan kan hnam history, a bikin zirna hmanga kan bul tan dan leh kan hmasawn chhoh zel dan pawh chhui tur mumal a awm lo va, hei vang hian Education Archive pawh siam ngei tum a nih thu a sawi a, a taka hmuh tur awm turin Document vawn that te, History ngaih pawimawhte a tul hle a, kan nihna hi mi dang min ziahsak ngawt ring lova keimahni ngeiin a taka kan zira kan chik a tul thu a sawi a ni.

Vawiin lehkhabu tlangzarhnaah hian Pu B. Lalthlangliana’n lehkhabu thlirlawkna a nei a, Cover Background thlirlawkna Pu Tlangrokhuma’n a nei bawk a ni.