Vawiin khan Home Minister Pu R. Lalzirliana hova Krismas, 2016 leh Kum Thar 2017 vuakveta halpuah leh a kaihhnawih khapna chungchanga a pisaa meeting neih chuan a hnuai ami ang thu a rel :

1) Kum 2016 Krismas leh Kum Thar vuakvet chhungin halpuah/ halmawi leh puak thei thildangte khap ni se.

2) Naupang silai lem, a mu kap chhuak thei chi zawrh leh hman khap ni se.

3) Street decoration (Khawlai chei) leh Musical Concert nan Sorkarin sum/ lawmman a pek thin chu tih tawh loh ni se. Street Decoration bikah chuan a veng neituten an theih ang tawkin mahni veng theuh chei tura beisei a ni.

4) Krismas leh Kum Thar vuakveta mipui hlim leh thlamuang taka hun an hman theih nan NGO lamte pawh hma la tura beisei niin, hemi puih nan hian Sorkar pawhin a remchang ang tawk sum leh pai a lo ngaihtuah dawn a ni.