Vawiin khan a tum khatna atan Reiek Tourist Resort ah Mizo Hnam Kutpui neih a ni. He Kutpui hi Tourism Minister Pu S. Hiato chuan a hawng a, Pu H. Zothangliana, Parliamentary Secretary, Tourism Department chu khual zahawm a ni. Mizo Hnam Kutpui hi Mizo Culturer Organisation (MCO) leh Tourism Department tangkawpin a an buatsaih a ni a, sum senso hi Ministry of Tourism, Govt. of India in a tum sak a ni.
Kut thlengtu Pu James Lalchhuanawma, MCO President chuan kan culture leh incheinate hi kan Hnam nihna dik tak pholanna hmanrua anih avangin hetiang Kutpui hi MCO chuan Tourism Department nena tangkawpin kan buatsaih a. Kan Hnam Culture in pawnlam atanga nasa taka run a tawh mekna hi hetianga Kutpui kan hman hian a chawinung thar leh zel ngei ang tih kan ring a ni a ti.
Khuallian Pu S. Hiato chuan, "Khawvel ram hnam tam tak chu an hnam ziarang an bosal avangin an lo boral tawh thin a; keini Mizote hi hnam peng hrang hrang leh tawng hrang insuihkhawmin kan siam a ni a, chuvang chuan kan hnam a boral lohna turin tho thil ang thapa kan inlungrual leh kan tanrual a pawimwh a ni" a ti. Tourism Minister chuan, "Khawvel ram tam tak hian Tourism chu an ram ei-belah an hmang mek a; Mizoram pawh hian India ram leh khawvel ram zau zawka khualzin mite hip luh dan leh chumi a zara kan economy chawisan dan kan thiam a pawimawh a ni" a ti bawk.
Parliamentary Secretary Pu H. Zothangliana pawhin thusawiin, "Mizo hnam hi Zo hnahthlak hnam peng hrangte kan ni a; kan hnam ziarang leh tawng inanglo te hi inensanna atana hmang lova min phuar khawmtu atana kan hman thiam a pawimawh tak meuh a ni. Mizo tak hian engkim a tih theih a; khawi hmunah pawh awm ila, Mizo tak zela thil kan tih hian kan hnam kan chawisangin kan humhalh a ni tih i hre reng ang u" a ti.
Mizo Hnam Kutpui vawi 1 na ah hian MCO Branch leh Club 47 atangin 34 an tel a. Mizo Hnam lam hrang hrang entir a ni a, a chhimtuten man hla an tiin hnam dang engemaw zat pawhin an tel pui nghe nghe a ni.
Tourism Minister Pu S. Hiato hian Reiek Tourist Resort-a VIP Cottage 2 chu a hawng nghal bawk. Mizo Hnam Kutpui ah hian Tourism Secretary Pi B. Sairengpuii leh Pu Vabeiha Hlychho, Tourism Director a thawhpuite bakah MCO Gen. Hqrs. hruaitute an tel kim hle.
Khuallian Pu S. Hiato chuan, "Khawvel ram hnam tam tak chu an hnam ziarang an bosal avangin an lo boral tawh thin a; keini Mizote hi hnam peng hrang hrang leh tawng hrang insuihkhawmin kan siam a ni a, chuvang chuan kan hnam a boral lohna turin tho thil ang thapa kan inlungrual leh kan tanrual a pawimwh a ni" a ti. Tourism Minister chuan, "Khawvel ram tam tak hian Tourism chu an ram ei-belah an hmang mek a; Mizoram pawh hian India ram leh khawvel ram zau zawka khualzin mite hip luh dan leh chumi a zara kan economy chawisan dan kan thiam a pawimawh a ni" a ti bawk.
Parliamentary Secretary Pu H. Zothangliana pawhin thusawiin, "Mizo hnam hi Zo hnahthlak hnam peng hrangte kan ni a; kan hnam ziarang leh tawng inanglo te hi inensanna atana hmang lova min phuar khawmtu atana kan hman thiam a pawimawh tak meuh a ni. Mizo tak hian engkim a tih theih a; khawi hmunah pawh awm ila, Mizo tak zela thil kan tih hian kan hnam kan chawisangin kan humhalh a ni tih i hre reng ang u" a ti.
Mizo Hnam Kutpui vawi 1 na ah hian MCO Branch leh Club 47 atangin 34 an tel a. Mizo Hnam lam hrang hrang entir a ni a, a chhimtuten man hla an tiin hnam dang engemaw zat pawhin an tel pui nghe nghe a ni.
Tourism Minister Pu S. Hiato hian Reiek Tourist Resort-a VIP Cottage 2 chu a hawng nghal bawk. Mizo Hnam Kutpui ah hian Tourism Secretary Pi B. Sairengpuii leh Pu Vabeiha Hlychho, Tourism Director a thawhpuite bakah MCO Gen. Hqrs. hruaitute an tel kim hle.
