Vawiin khan Mizo khua Falkland Cultural Centre ah Mimkut Organizing Committee huaihawtin  Mimkut an hmang.

Hawnna inkhawmah hian Art & Culture, Minister thuchah chhiarin Mizo Piputen Mimkut an hman chhan leh hman dan tlangpui a tarlang a. kum tam tak hman a nih tawh lohna chhan chu mizo ten Sakhua kan thlak vang a ni a ti a. Sakhaw hluia ngaihdan eh zeldin thu bawl tam tak chu kristianna in a rem lova, nunphung leh ngaihdan tam tak kros thiltih theihna in a rawn thlakthleng ta ani. Chutih mek laiin Pipu te tih dan chhawmnun duhna thangtharte a lo piang zel hi hmasawn na rahbi pawimawh tak a ni a ti.

Minister chuan kan Sakhua nena inmila kal dun pui theih ang zel hian kan Kut ni Vangthla pawh hi chhawmnung ila Lal Isua telna tlakin i kut ang u tiin mipui a sawm a. Paih ngai paih then ngam a, thawmthat ngai thuam tha zel chungin uar tur te uar deuh deuh thiam ila. Aia upa zahna leh tlawmngaihna hmanga tanpui ngaite tanpui uar deuh deuh zel chungin, kan hnam nunmawi leh kan kristianna dintu Isua Krista hi kan nunin chawimawi ila kan ram leh hnam tan a him ber ang a ti.

Mimkut ah hian an Organising Chairman Pu R.Ramhmangaiha hovin kalkhawm mipui te nen hlim takin an hmang ho a ni.