Mizorama kuthnathawktute tharchhuah thil hrang hrang tha zawk leh fel zawka tihral a nih theih nan NLUP Marketing Cell members te chuan Dt 7th-12th chhung khan Assam leh Meghalaya State-a Regulated Market an kalpui dan zirchianna an nei a.NLUP Marketing Cell hi an Chairman Wng.Cdr Lalnghinglova’n hoin heng members Pu Andrew Lalherliana Ex MLA te, Pu R.Ramhmangaiha President Hnam Chhantu Pawl te, Pu Zion Lalremruata Gen.Secretary AMFU Gen Hqrs-te leh Dr.Robert Rualthankhuma Project Co-Ordinator NLUP Cum Member Secretary Marketing Cell te an ni.

NLUP Marketing Cell memberte hian Assam leh Meghalaya State-a Regulated Market an kalpuina hmun hrang hrangte tlawhin heng Regulated Market Board enkawltu hrang hrangte nen inkawm hona hun tha tak an nei a,Mizorama hmalak anih theihnan chak taka bawhzui an turn a ni.Mizoram a kuhva tharte a lo pung chhoh tak avangin Kuhva SKOP siam dan tur ruahmanna kalpui dan turte a hmuna enin an zirchiang nghal bawk.Tin, NLUP chungchang a training buatsaih chhoh dantur NIRD (North Eastern Regional Centre) Director Dr.Binay Singh an sawipui nghal a,Director chuan a tul anga tanpui zel a inhuam thu a lo hrilh a ni.

Shillong Group YMA bultumin Dt.12th November khan Mizoram House-ah NLUP kalphung leh hmalak dan te in hrilhhriatna hun hman a ni a, he hunah hian MSU Shillong hruaitute leh Prominent Citizen mi thahnem tak an tel . Pu B.Laltanpuia, President Shillong Group YMA chuan he hun hi a kaihruai a, Rev Dr.Vanlalnghaka’n hunserh hmangin Dr Robert Rualthankhuma’n NLUP chungchanga hmalakna hrang hrangte sawifiahna a nei a. NLUP chungchanga Mizoram Sawrkar hmalakna hrang hrang an hmuh dan leh ngaihdante thahnem ngai taka sawi hona hun kalkhawmten an hmang a ni. MSU, Shillong leh YMA hruaitute chuan hei aia mipui tarn zawk hma ten en NLUP zirhona hi neih leh an duhthu an sawi.