No.3366/2021-2022 
Aizawl 11th December 2021:  Human Resource Development Board (HRDB) buatsaih “Mizo Language Board Thlir Lâwkna” chu December ni 8, 2021 (Nilaini) khan HYVE Aizawl City Hall-ah neih a ni a. Mizoram hmun hrang hrang leh ram pâwn aṭang pawhin Mizo ṭawng lama tui mi leh mi thiam rualin thu an sawi a ni. School Education Minister Pu Lalchhandama Ralte leh Pu L. Thangmawia, MLA, Vice Chairman, Human Resource Development Board te an tel a ni.

He Mizo Language Board Thlir Lâwkna hi Dr Rosaline Varsangzuali’n a kaihruai a. School Education Minister Pu Lalchhandama Ralte chuan MLB din tum a nih dan leh hmalakna kal mêk chungchâng sawiin MLB din tura hmalakna hi Chief Minister-in HRD Board meeting a neihpui țuma Mizo tawng chungchanga hmala tura a chah bawhzuina a nih thu sawiin he hun hi a hawng a.

Thupui thlan bik panga hmangin he sawi hona hun hi hman a ni a. Mi thiam, sâwm bikte hian anmahni thupui chan chu minute 5 ṭheuh an sawi a ni. He sawi hona hun hi Pu L. Thangmawia, MLA, Vice Chairman, Human Resource Development Board chuan lâwm thu sawiin a khâr a ni.

He sawi hona hun hi zau zâwka mipui ngaihthlâk theih turin Youtube-ah leh TV-ah tihchhuah tum a ni. TV-a tihchhuah dan tur chu hetiang hi a ni ang:

DDK Aizawl:
Ṭhen 1-na - December ni 14, 2021 (Thawhlehni) zan dar 7:30
Ṭhen 2-na - December ni 15, 2021 (Nilaini) zan dar 7:00

LPS Vision:
Ṭhen 1-na - December ni 13, 2021 (Thawhṭanni) zan dar 8:00
Ṭhen 2-na - December ni 14, 2021 (Thawhlehni) zan dar 8:00

Zonet:
Ṭhen 1-na - December ni 13, 2021 (Thawhṭanni) zan dar 8:00
Ṭhen 2-na - December ni 14, 2021 (Thawhlehni) zan dar 8:00