I&PR Minister Pu Lalruatkima chuan mizo nulate an pian leh mawina te ram leh hnam tana hum tlat tur leh mizote tan mizo fa ngei hrinsak tura in vawng tlat turin a chah.

Mizo Photographers’ Society (MPS) ten nizana Chanmari YMA Hall, Aizawl-a Chapchar Kut Lady 2020 result puanna leh lawmman semna hun an buatsaih ah khuallian niin I&PR Minister Pu Lalruatkima chuan nulate ngaihsan ang angin mizo mipate hi kan awm thin avangin a tha lam zawnga mipate kaihruai theitu chu mizo nulate hi an ni a ti a. MPS Kut Lady atana chhawpchhuahte chu nula fell eh nungchang tha, sawisel kailo an ni thin tih sawiin Kohhran leh khawtlangahn mite entawntlak ni zel turin a fuih a, Pathianin talent tha tak tak a pekte midangte tan malsawmna ni tura tipung tura theihtawpchhuah turin a chah a. Nula fell eh nungchang thate a tha zawnga phochhuahna hun remchang siamsak thintu Mizo Photographers’ Society te fakawm a tih thu a sawi bawk.

Pu Lalruatkima chuan thla nalh taka lak him mi nazawng tih theih a ni lova, mibik leh thiam bik te chauh in an tihtheih a ni a ti a. Mizoramah thlalak lama tui, hobby atana nei leh eizawnna atana hmang tam tak an awm tih sawiin hetiang lama tui te thiamna leh theihna haichhuak a tihmasawn turin Sawrkarin kawng hrang hrangin hma a la thin a, hemi atan hian kumtin a hranpa in budgetah sum dah thin a ni a ti a, Mizo Photographers’ Society te ne pawh thawhhona tha tak an neih thin thu leh chhawm nun zel a pawimawh thu a sawi a ni. Khuallian chuajn tun hma in kan pi leh pu ten thangchhuah tumin, pasaltha nih tumin sa an pel a, silai nen an ramchhuak thin a, tunah erawh khawvel a danglam tawh a, khawvelin hma a sawn ruakin nungcha humhalh a tul ta a, sawrkar, YMA leh tlawmngai pawl hrang hrangten theihtawpa tan an lak laiin silai nena ramchhuak lova thlalakna nena ramsa leh savate veh kan intihhmuh ta hi hmasawnna ropui tak a ni, a ti.

Chapchar Kut Lady 2020 result puanna ah hian Pu Laldingzela, Executive Committee Member, MPS chuan hunserh hmangin zaithiam tak tak te zai ngaithlak a ni a, Pu Johny Ngurthansanga, General Secretary, MPS hnen atangin report te ngaihthlak niin Chapchat Kut Lady leh Runner up te hnenah lawmman hlanna hun hman a ni.

Mizo Photographers’ Society Chapchar Kut Lady 2018 atan Nl. Vanlalhmangaihzuali, Zemabawk North thlan a ni a, 1st Runner-up ah Nl. Lalruatkimi Jongte, Kolasib, 2nd Runner-up ah Nl. Lalhriatpuii, Dawrpui Vengthar thlan niin Top Ten a langte hi lawmman pek vek an ni.

Mizo Photographers’ Society hi 2012 ah din niin 2013 atangin Kut Lady thlan tan a ni a, mizo hnam thuam inbel a Chapchar Kut lawmna, Aizawl –a kal, mizo nula kum 18 tling chin atanga thlan thin an ni. Chapchar Kuta an thlalak te social media atangin vote hmangte a thlitfim leh a ni a, chung atang chuan Kut Lady tur te hi thlan chhuah thin an ni.