2911/2022-2023
Aizawl 2nd December 2022: LESDE Dept, MFM leh NSDC hmalaknain Mizo Nurse 9 te Japan rama hnathawk tura thlan an ni, Japan rama hnathawktu indaihlohna phuhruk nan India leh Japan sawrkar chuan January, 2021 khan Thawhhona thuthlung ziakin, Ministry of Skill Development & Entrepreneurship hnuaiah Specified SkilledWorker Programme buatsaih niin, hemi kaltlang hian India Nurse ten Japan ah kum 5 chhung hna an thawk thei anga, an thiamna zir zela hnathawh chhunzawm theih a ni ang, Training chhuak te chu Japan rama upate enkawlna bakah damdawiin leh health care lamah hna hmuhsak an ni ang a, Japan leh Central sawrkar tangdunin engkim ruahmanna a siam dawn a ni.

Labour Employment Skill Development Entrepreneurship Department, Govt. of Mizoram, Mission Foundation Movement leh NSDC International ten ni 17th October, 2022 khan Verdant Multipurpose Hall, Laipuitlang ah ANM, GNM leh Bsc. Nursing zir chhuak te tan sensitization programme hman a lo ni tawh a.SSW Scheme a kal turte tan hamthatna awmthei tur leh hriattur pawimawhte in zirtirna neih a ni.

A bul tan nan Mizo nula pakua Japan tawng zir turin thlan chhuah an ni a. Dt 30th Nov, 2022 khan NDSC Office,New Delhiah Orientation neihpui an ni,Delhiah Japan tawng level N3 thleng an zir anga a zir chhuakte chu India Sawrkar bultumin Japan ramah Nursing Care a thawk tura rawih nghal an ni ang.