Vawiin chawhnu khan Mizoram Legislative Assembly Annexe Chhawng hnuaiber, Aizawl Community Centre ah Mizo kutchhuak puan leh thawmhnaw zawrh runpui, SPECIAL HANDLOOM & HANDICRAFT EXPO, 2014 chu Pu Joseph Lalhimpuia, Parliamentary secretary, Industries Department,etc., in mipui te dawr theih turin a hawng. MAHCO Chairman Pu Zohmangaiha, IRS(rtd) in Expo hawnna hi a kaihruai a, he Expo hian February 4 atanga february 18 thleng a awh ang. Ministry of textile hnuaia Development Commission for Handloom chuan bul tum MAHCO in a huaihawt tak EXPO ah hian Society 26 ten Mizo puan tah leh thawmhnaw chi hrang hrang te an zuar a ni.
Handloom Expo, 2014 a thusawitu Parliamentary Secretary Pu joseph Lalhimpuia chuan Mizo te leh Handloom Industy inkungkaihna chu a upa tawh hle a kum 1200 AD vel daih tawha lo in tan ni in Mizo Historian ten an sawi a ni a ti.Mizoten kan thiam zawng tak leh kan thanlen hnan tawh, Handloom Industry hi eizawnna tling leh hnathawhtur nei lo te tana hna hmuh nan kan tih phuisui angai a.Chumi tipuitling tur chuan Mizoram Sawrkar pawh in theihtawp a chhuah dawn a ni a ti a. Kum 2011 leh 2012 inkara Mizoram in sum a thawhchhuah zawng zawng (GSDP) Rs 7,19,782 lakhs ah Industry sector hnuai Handloom Sector bik thawhchhuah zat Rs 750 lakhs chu GSDP a 0.10% chiah a la ni a. Nasa zawka tan kan lak a tul hle a ni a ti. NCAER Report in a tarlan dan in Mizoram ah puantahtu mi 43,528 ten Loom 23,938 hmangin Handloom hi a kal pui mek a, a thawktu 70% aia tam mah hmeichhia la niin mipa te pawn eizawn nan Handloom Industry kan luhchilh a ngai tawh a ni a ti.Tlangram loneih aia hlawk puantah a eizawnna chu Mizoram chhung chauhva hman tur thawhchhuah nan a tawk tawh lova, India ram hmundang te mamawh leh ram pawn lam mi duhzawng te ngaihtuah chhuakin kan kutchhuak quality pawh chhuanawm zawka kan siam a ngai a ni a ti. India in ramchhung hmarchhak state te tan 12th Five Year Plan(2012–17) a hman tur Northeast Region Textile Promotion Scheme a duang chhuak a.
Hemi Scheme hnuai ah hian Mizoram Sawrkar in Rs 22 lakhs senna tur DPR buaipui mekin chu chuan Mizoram pum a huam anga. District tinah cluster 2 theuh din in tun Financial Year chhunga sanction hmuh theihturinhmalak mek a ni a ti.
Expo hawnna ah hian MAHCO Managing Director Pu R.Vanmawia'n Society te leh MAHCO hmalak mekna te report tawi pe in a tar lang a. Expo a tel society member dawr hawng te chuan Expo chhung hian an puantah leh thawmhnaw te chu dawr pangai aia man tlawm zawka an zawrh dawn bakah an design tharhlam ber ber te an zawrh tur thu an sawi bawk a ni.
