Vawiin khan Directorate of Advertising & Visual Publicity (DAVP), Ministry of Information & Broadcasting chuan Seling-ah Sorkar Laipui in thingtlang hmasawn nana ruahmanna hrang hrang a duan, a bikin Bharat Nirman Campaign hnuaia ruahmanna leh scheme hrang hrangte a kalpui dan leh hnathawh dan te thlalak hmanga pholanna(Photo Exhibition) an buatsaih. Photo Exhibition hi Seling YMA Run-ah neih niin February ni 8 thleng a awh ang. Photo Exhibition hi Seling VCP Pu Raymond Lalbiaknunga’n a hawng a ni.

Sorkar Laipui ruahmanna hrang hrang te chipchiar taka mipui hnenah thehdarh leh zau zawka heng ruahmanna chungchang an hriat theih nan Photo Exhibition hi Field Exhibition Unit, DAVP Aizawl, YMA Seling Branch leh Seling VC te thawhhona in buatsaih a ni. Hetiang Photo Exhibition hi Mizoram hmun khaw hrang hranga a lo buatsaih tawh thin a ni.