1884/2024-2025

Dated Aizawl, the 4th September, 2024: September ni 2 (US Eastern Time Zone) khan Rockville, Maryland, USA ah Mizo Society of America bul tumin Mizo Day, 2024 ropui taka lawm a ni a. He hunah hian Chief Minister Pu Lalduhoma chu khuallian niin, a nupui Pi Liansailovi leh a tunu Zodinthari ten an tawiawm.

Thu a sawinaah Chief Minister chuan, Mizo Society of America te hian kum 2020 khan Mizo Day a khuallian turin min lo sawm tawh a. Covid19 hripui avangin rawn kal kha a remchang lova. Online in LPS studio atangin ka rawn zawm a. Vawiinah mahni ngei kala kan rawn tel thei ta hi ka lawm hle a ni, a ti. Hna thawh tur tam tak a neih avanga a cham rei theih dawn loh thu a hrilh bawk.

Mizo Day-a Chief Minister thusawi kimchang hi https://dipr.mizoram.gov.in/post/us-mizo-day-2024-lawmnaa-chief-minister-thusawi ah Mizo tawng leh https://dipr.mizoram.gov.in/post/speech-of-pu-lalduhoma-chief-minister-mizoram-on-mizo-day-maryland-usa-2092024 Sap tawngin chhiar theih a dah a ni.