1883/2024-2025

Dated Hnahthial, the 4th September, 2024: Nimin khan District Magistrate leh District Disaster Management Authority Chairman ni bawk, Pi Rita Lalnunmawii Pachuau chuan tiang hian thuchhuah a siam:

District Disaster Management Authority, Hnahthial chuan MGNREGS hnuaia sak, Gazebo/Waiting shed- "Siamliana Khawthlir", Gate Tlang, Hnahthial N-I ami chu ruah sur leh lei min avangin a chhe nasa tawh hle tih a pawm a.

District Disaster Management Authority, Hnahthial chuan Village Level Disaster Management Committee, Hnahthial N-I, Hnahthial, report bawhzuia technical inspection mumal tak neih a nih hnuin NH-54 atan leh mipui tan a hlauhawm thei tih a hmuchhuak a.

Chuvang chuan kei Chairperson, District Disaster Management Authority, Hnahthial chuan National Disaster Management Act,2005, Section 34(k) leh section 26 in thuneihna min pek angin "Siamliana Khawthlir", Gate Tlang, Hnahthial N-I, Hnahthial ami chu a rang thei ang bera thiat turin thupek ka chhuah e. Waiting shed thiah hna hi he thupek chhuah anih atanga ni sarih (7) chhunga zawh fel tur a ni.

Hnathawktuten him taka an thiah theih nan he thiah hna hi Sub Divisional Officer, PWD chuan a vil ang.

He thiah hna kalpui a nih chhunga traffic control leh mipui kaihruai hna chu Superintendent of Police, Hnahthial kutah a awm ang.