1882/2024-2025

Dated Aizawl the 4th September, 2024 : Ministry of Housing & Urban Affairs leh Department of Drinking Water & Sanitation hmalakna in a buatsaih 'Swachhata Hi Seva 2024' hman dan tur chungchangah nimin khan State Steering Committee chu Chief Secretary kaihhruaina hnuaiah MINECO-ah neih a ni.

He nun hman turah hian UD&PA leh PHED te Nodal department niin, department hrang hrang Health department, GAD, LAD, Education department, H&TE leh I&PR department-te member an ni a. He campaign atan hian department hrang hrang ten theihtawp a hmalak an tum a ni.

Swachhata Hi Seva campaign hi 2017 atanga hman tan ni in, kumin hian 14^th September atanga 2^nd October thleng hman tur a ni. Kum tin thupui bik nei a he hun hi hman thin niin, kumin thupui hi 'Swabhav Swachhata - Sanskaar Swachhata' tih a ni. He hunah hian Mizoram hmun hrang hrang ah Faina beihpui thlakna neih tur a ni, district hrang hrangah pawh Deputy Commissioner-te kaihhruaina hnuaiah neih a ni ang.

Swachhata Hi Seva 2024 hnuaiah hian Faina beihpui thlakna kawng hrang hrangin neih tur a ni a, hmun bawlhhlawh leh bal zual (black spots) te ngai pawimawhin thenfai hnatlang neih tur a ni ang. Sanitation workers te hnathawh hriatpui leh chawimawi a, faina beihpui thlak a hmalak tawhna zawng zawngte he hunah hian urhsun taka lawm tum a ni. Swachh Bharat Mission in kum 10 a tlin kum niin, kumin 2024 campaign hi a hlu zual hle a ni.