Deputy Speaker, Pu R. Lalrinawma chuan Mizo tawng humhalh a tul a ni, a ti a.He thu hi Pu Thansanga Chawngthu buatsaih “Zai Hla Mawi” hlabu White Stone Conference Hall, Ramhlun North-a a tlangzarhna-ah a sawi a ni.

Pu R.Lalrinawma chuan hetiang hlabu tlangzarh anih chu  lawmawm atih thu sawiin kan hnam tan hmasawnna pakhat a ni, a ti a. Mizo te chu zai ngaina hnam kan nih thu tarlangin hemi lama talent nei tha te chu kan hnam tan an hlu zual a ni, a ti. Mizo tawng chu tawng ral hlauhawm zingah a tel ani tiin tawng dik tak hmang chunga humhalh zel a tul thu a sawi a. Thuziak leh hlaphuah thiam te chu  kan tawng ti hausa tu an nih thu Deputy Speaker chuan a sawi bawk a ni.

He hlabu tlangzarhna hi Pu Rozama Chawngthu chuan kaihruaiin Pu C.Lalnunchanga chuan hlabu thlirlawkna hun a hmang a. “Zai Hla Mawi” buatsaihtu Pu Thansanga Chawngthu thusawi pawh ngaihthlak a ni.

 He hlabu ah hian Pu Thansanga hla phuah 72 bakah hla lehlin 3 leh hla chham mi (poem) 5 a tel a ni.