Union Home Minister Pu P. Chidambaram chuan Mizoram Larsap ngenna chhangin Mizo tlangvalte tana Central Para Military Force a luh theihna kawngah ngaih hnathiamna thui tak phal anih thu ziakin a rawn hriattir.
Union Home Minister lehkhain a tarlan angin Central Para Military Force a lut tur thiamna Matric pass chin tih chu Mizorama ST te tan chuan pawl riat pass chin a ni tawh ang a. Mipa tana san zawng bithliah bituk chin 162.5 cm pawh heng mite tan chuan 160 cm a ni ang.

He ngaih hnathiamna hi August 1, 2010 atanga kum khat chhung hman chhin phawt a ni ang a, thil awm dan leh Mizoram in a hman tangkai dan te thlira la ennawn leh theih a ni ang tiin Union Home Minister chuan a rawn ziak tel bawk.