Vawiin chhun dar 12 khan Rajiv Gandhi Grameen Vidhyalikaran Yajgona Scheme chungchang meeting pawimawh tak Circuit House Conference Hall Lunglei ah Pu M. Zohmingthangi, IAS Lunglei Bawrhsap kaihhruaina hnuaiah neih a ni. He scheme hnuaiah hian Lunglei district ah khaw 37 electric pek tura beisei niin, khaw 127 ah line thlun belh ngai awmin BPL chhungkua 5318 eng pek tura beisei a ni bawk. Heng zawng zawng hi September, 2010 ah zawh tur a nih laiin a hna duh anga a chak loh avangin zawh hman loh mai theih a ni.
He meeting ah hian Pu N.K. Chakma A.H & Vety Minister leh Pu S. Laldingliana Parliamentary Secretary te pawh telin an bial chhung khaw engemaw zat electric eng nei lo te an awm avangin an neih thuai theih nan Contractor te pawh an ngen. Bialtu MLA te pawh hian a tul ang anga khua mipui leh bialtu an nihna ang pawhin puih an in huam bakah a hmun ah pawh tlawh an huam thu an sawi a ni. Chutiang bawk in Lunglei Bawrhsap pawhin a tulna apiangah District enkawltu anih angin puih a in huam bawk a ni.
