3453/2023-2024

Aizawl, 23.01.2024: Nimin (22.1.2024) khan LESDE Dept Conference Room ah Mizo ṭhalai Japan rama Nurse hnathawk tur te thlahna hun hman a ni. Japan leh India sawrkarin thawhhona thuthlung an siam ang a kal tur an ni. NSDCI, Ministry of Skill development hnuaia Delhi-a Japanese tawng thla 9 chhung zir zo tawh an ni. Pu Lalramsanga Sailo, Secretary, Labour, Employment, Skill Development & Entrepreneurship Department ho in thlahna hun hi hman a ni.

He hun hi Pi Angela Zothanpuii, Director, LESDE Department chuan kaihruai in an chanchin te a tarlang a. Japanese company hnuaia hna hmu tawh,  a batch hmasa ber a kal tur te chu -

1.    Cindy Malsawmtluangi, Champhai
2.    Josephine Lalchungnungi, Sairang
3.    Lalliankimi Ngente, Lunglei
4.    Ruthi Lalawmpuii, Bungtlang
5.    Vanlalmalsawmi Khiangte,  Lunglei
6.    Vanlalruati, Chanmari, Aizawl te an ni.

January ni 26, 2024 ah Delhi pan in, chuta tang chuan Tokyo ah thlawk lut in Bullet train in an thawhna hmun tur Ishikawa an pan dawn a ni.

Anmahni bakah hian hna hmu tawh Visa la buaipui mek kal tur engemawzat an la awm bawk. Japanese language hi a thlawna zir theih anih bakah Japan an kalna man tur zawng zawng tumsak vek an ni a, Ram danga hna thawk duh tan 9856735845/9612883303 leh LESDE Directorate, MINECO ah ngaihven theih reng a ni e.

He hun ah hian Pi K. Rosangzuali, Asst. Director (Nursing), DHME leh Pi Zochuanpuii, Registrar, Mizoram Nursing Council te, Pu Lalmuanawma Deputy Director, LESDE department leh Pi Jordanthangi, Employment officer, LESDE department ten thusawina hun an hmang bawk a ni.

Attachment

  • Loading attachment...