Ni hnih awh tur Mizo Traditional Games, Ministry of Tribal Affairs, Government of India leh Sports & Youth Services Department te bultuma Lunglei Zotlang muala buatsaih chu vawiin khan kharna hun hman a ni a. Pu R. Lalnunthara, President, YMA Sub-Hqrs. Chu Khuallian a ni.

Kharna inkhawm Zotlang Community Hall-a neih ah hian Khuallian chuan thu sawiin khawvel changkang zelah Mizo infiamnate hian hriat a hlawh lo ta hle a ti a. YMA ang pawha thar thawh leh tura hmalak mek a ni tiin, kan ram leh hnam zia a ral lohna turin hetiang Mizo infiamnate hi uar zawk a kan chin than leh a tul hle a ni, a ti. Infiamna a hlawhtling tur chuan mahni inthunun thei leh ruihhlo laka fihlim kan nih a ngai a ni a ti.

Mizo Traditional Games hmanga inelna kharna hun hi Pu J. Vansangzuala District Sports & Youth Services, Lunglei in a kaihruai a, Mizo infiamna hrang hrang inbuan, kalchhet, arpa insual, ketaminu intlansiak, insuknawr, inhruipawh, saihruipawh, inkawibah leh sairawkherh perh hmang te in intihsiakna hi neih a ni a, vawiin tlai khan lawmman semna hun hman nghal a ni.