3784/2022-2023

Lunglei the 8th March, 2023 :  Vawiin chawhma khan Saikuti Hall Lunglei ah Mizo Upa Pawl General Assembly vawi 49-na Pi Ramdinliani, IAS Deputy Commissioner Lunglei chuan a hmanpui.

Mizo Upa Pawl General Assembly  Pu K.T Chhawna, President Headquarters Lunglei kaihhruaiah Pi Ramdinliani Deputy Commissioner Lunglei chuan MUP General Assembly chhim tura lo kal zawng zawng te chungah lawmthu sawiin Upate hi in hlu in chhungkaw tan pawh malsawmna leh zahawmna thlen tu in ni, a ti a. Tunlai thangthar tam zawk ten Upa te hlutna leh zahna chang kan hre ta lo chu pawi a tih thu sawiin upa zawk te zahna kawngah pawh tun aia hmalak nasat angaih thu a sawi bawk.

Pi Ramdinliani chuan Mizo Upa Pawl ten kan hnam tawng humhalhna kawngah nasa taka hma an la chu lawmawm a tih thu sawiin tun aia nasa a hmala chhunzawm zel tur pawhin kal khawmte a chah a. Mahni dikna chanvo humhalh kawngah pawh Upa Pawl kan nih angin thangthar zawk te tana entawn theih tura hmala hmasa tu ni zel turin kal khawm te a chah bawk a ni.

General Secretary Pu LH Sanghluna pawhin report pe in Mizo Upa Pawl lo din tan dan leh an hmalakna hrang hrangte tarlangin Pu C.Liansanga Teasurer MUP Hqrs Lunglei pawhin an sum din hmun leh an hmanna vel kal khawm te hnenah a tarlang ve bawk a ni.

Mizo Upa Pawl Lunglei ah hian Unit 136 awm mekin Member 10185- an inziak lut tawh a Sub Hqrs hi pakhat (Hqrs Hnahthial) nei bawkin kum 60 tling chin a duh piangte tan MUP ah hian a in ziah luh theih a ni.

 Mizo Upa Pawl General Assembly hi hun thumah then niin hun khatnaah kalkhawmte lawmna leh report hrang hrang te ngaihthlakna neih a ni a. Hun hnihna ah rorel neih leh niin hun thum naah YMA Sub-Hqrs Lunglei kaihhruaina in hruaitu thar thlanna neih a ni.