Vawiin khan Finance Minister Pu Lalsawta chu Mizo Writers’ Association Annual Meet leh Award semna Aizawl Press Club-ah khuallian a ni.

Minister chuan Mizo te hian ziak leh chhiar tlai khawhnuah thiamin, lehkhabu pawh ziak nasa pawl niin, ziaktu; mi thahnem ngaite avangin Mizo te kan vannei a, in tinah lehkhabu hrang hrang hmuhtur a awm phah a ni, a ti a. Mizo Tawng hi tawng harsa tak niin, ziakmi te chuan kawngro an su nasa hle a ni, a ti.

Minister hian lehkhabu Mizo Tawng Grammar & Composition tih Pu Lalzarzova Khiangte ziah a tlangzarh a. The Black Panther of Sivanipalli tih ziaktu Pu Lalzarzova Khiangte hnenah hian kum 2017 Translation Book Award a hlan nghal bawk a ni.

He hunah hian Mizo Writers Association member thahnem tak te an tel. Mizo Writers Association-ah hian tupawh lehkhabu pakhat tal ziak nei tawh chuan Membership fee leh Annual fee pein member nih a dil theih reng a, MWA hi kum 2017 khan kum 40 (Ruby Jubilee) a tling tawh a ni.

 

 

           

Attachment

  • Loading attachment...