Tlawng lei (Bailey Bridge) Sihhmui kai lei hi June, 2002 khan dawh niin he lei hi tum thum (3) a chim tawh a,  a chim nite chu- December Ni 7, 2006, October Ni 31, 2014 leh December Ni 2, 2015 te a ni. Tlawng lei hi zawh tawk aia rit phur motor-in an zawh luih avanga chim a ni thin a, chutih rual chuan kum 2006 leh 2014-a a chim khan bridge part thenkhat rukbo a nih avangin a chim chhan pakhatah ngaih a ni bawk. Kum 2014 khan part thenkhat lak awlsam deuh transom clamp a bo nual a avangin FIR pawh thehluh a ni nghe nghe. Transom clamp hi kawng kalkhang (transom) a awmna tur dik taka kilh bettu a ni a, thawl leh mai thei a nih avangin herhfung vuah niin ruk bo awl tak a ni a.Bailey Bridge part bo tam ber a ni nghe nghe. Ruk a nih thin avang hian load rit tak phur motor phei chuan lei (bridge) a tichim thei hial a ni. Tlawng lei chimna chhan bera lang chu a phurh theih chin rih zawng aia tam phur motor-in an zawh vang a ni.