191/2023-2024

Aizawl, the 24th April 2023: Vawiin chawhma khan Raj Bhavan-ah Mizo Zirlai Pawl hruaitute chuan Governor Hari Babu Kambhampati an kawm a. MZP hmalaknate an sawipui bakah thil pawimawh dang te sawipuiin hengah te hian hma lak pui turin Governor chu an ngen nghal bawk a ni.

MZP hruaitute chuan “the Mizoram Maintenance of Household Register Bill, 2019 “ hman thuai tha an tih thu Governor hnenah hian an sawi a. Hemi chungchang hi Governor chuan a sawifiah a. President office lam atanga zawhna Mizoram sawrkara concern official ten an chhan hunah President office atang hian Raj Bhavan lamah a rawn kir leh turah a ngai tih a sawi a ni. MZP hotute chuan tunhnaiah Mizoram University chhungah zirna kaihhnawih thil ni lo, politics lam thil program huaihawt leh mikhual te thleng an awm thin niin an sawi a. Hei hi tha an ti lo tih sawiin Governor chu he thil hi ngaihvena, enzui turin an ngen bawk a ni.

Governor an kawmnaah hian Pu Lalnunmawia Pautu, President, Pu Andrew F. Lalramnghaka, Vice President, Pu Jacob Lalmuanpuia, General Secretary leh Pu Ricky Lalbiakmawia, NESO Vice Chairman ten MZP ai an awh a ni.