190/2023-2024

Aizawl, 24th April, 2023 : Health Minister zahawm tak Dr R. Lalthangliana chuan ni 22.4.23 (inrinni) khan New Delhi ah kal in, National Medical Commission (NMC) hotute a dawr a. NMC hotute hian ZMC a MBBS pass thar te internship tan an remti a ni.

January ni 9, 2023 khan NMC Assessors te'n ZMC inspection an lo nei tawh a. Tlakchham (deficiency) thenkhat la awm te chu sawrkarin theihtawp chhuahin a ti puitling zel a. Kumin March thla chhung khan Mizoram University chuan final MBBS Exam buatsaih in, result pawh a tichhuak fel tawh bawk a ni.

Health Minister leh Dr VK Paul, Member Niti Aayog te chuan NMC Chairman leh NMC a thuneitu sang (Advisers, Board Member) te dawr in, ni 22.4.2023 khan ZMC a MBBS batch hmasa ber te chu Internship program tan nghal turin an remti ta a ni.

ZMC a zirchhuak MBBS te bakah, Foreign Medical Graduate te tan seat riat (8) internship tih phalna, NMC hian a lo pe tawh bawk a ni.

Minister hi Dr Hmingthankimi'n a tawiawm a ni.