Vawiin chawhnu dar 1:00 khan Lunglei Saikuti Hall ah MZP Hqrs. Lunglei buatsaihin MBSC hnuaia HSLC leh HSSLC result chhuak a Mizo Zirlai titha chawimawi na hun hman a ni. Pu Joseph Lalhimpuia, Vice chairman HPC Lunglei chu khuallian a ni.

Pu Mahima chuan thusawiin chhimbiala zirlai chawimawi tlakte chawimawina hun hman theih anih avangin MZP Hqrs. Lunglei te chung ah lawmthu a sawi a. Chhimlam thluak hun rei tak kan mut thilh tir hnu, in kaih tho mek ani a, chuvangin zirlai te hei aia nasa a tan la sauh sauh turin a chah bawk. Lunglei Dist. ah hian hmasawnna tam tak hmuh tur hmuh tur a awm a, thalai te hmasawn nan tan lak mek a ni a. Mizoram University Campus pawh Lunglei-ah a awm theih nan Zirlai, Kohhran leh tlawmngai pawl te hmalakna avangin Sawrkar in chak takin hma a la mek a ni. Lunglei Civil Hospital a thawk Doctor te quarter sak nan DoNER ministry atangin cheng vaibelchhial 17.31 dawn ani dawn tih a sawi bawk. Zirlai te mawhphurhna chu zirna a tan lak a ni. Nakin lawk ah kan Ram hruaitu tur in ni dawn a, midang te tana malsawmna ni theuh tura tan la thar theuh turin a fuih bawk a, chung ni theuh thei tur chuan rinawmna, taihmakna leh tuarchhel nih a ngai a ni. Thawhrimna hian hlawhtlin na a thlen a, thiamna sang a in el pha tura in buatsaih turin a chah bawk. Pu Mahima hian HSLC a pass kim vek school te HSLC topper 5th leh 6th position te Distrinction te, HSSLC a Subject hrang hrang a topper leh UPSC a in ziaktling Eric C.Lalawmpuia Zohnuai Lunglei te hnen ah chawimawina hi a hlan a ni.

He chawimawina hun hman hi Benjamin Vanlafela Vice President MZP Hqrs. Lungei in kaihruai in, MZP Hqrs. Lunglei President Eric Zomuanpuia’n thusawina neiin, Lalnunsanga Renthlei, GS MZP Hqrs. Lunglei in report leh introduction a nei bawk.