No.3687/2021-2022 

Aizawl, 15^th January, 2022 : Information & Communication Technology Deptt. hnuaia Mizoram State e-Governance Society (MSeCS) chuan Mizorama siam handloom, handicraft, painting leh thiam thil dang te bakah Mizorama thil thar chhuah hrang hrang zawrhna tur MIZOMART e-COMMERCE PORTAL an siam thar chu nimin ni 14.1.2022 (Zirtawpni) khan mahni siamchhuah zuar chhuak sumdawng engemawzatte hnenah a hmandan training neihpui a ni.

Workshop & Training on Mizomart e-Commerce Portal nimina Aijal Club-a neih hi Secretary, ICT Dept. Pu Lalramsanga Sailo-in a hmanpui a. Covid-19 vanga harsatna tawk sumdawng thenkhatte tan NEC-in sum a pek hmanga he Mizomart e-Commerce Portal hi ruahman a nih thu sawiin Mizo siamchhuah leh kutchhuak ngei khawvel mipuite hmuha phochhuah leh zawrhchhuahna hun remchang a inhawng chu lawmawm a tih thu a sawi. India ram sorkar ngei pawhin Make-in-India a kalpui mup mup karah Make-in-Mizoram kalpui ve thei tur chu hmasawnna pawimawh tak a ni a ti. Pu Lalramsanga Sailo chuan IT based-a sumdawnna chu Mizorama sumdawng mimal leh pawl tam tak pawhin anmahni thiam ang angin an kalpui mek tawh tih sawiin, heng hi duhthusam chuan a zuartu tan leh a leitu tan ngei pawh a him tawk loh bakah sum sen tur a tam thin a, chuvangin MSeGS ten mumal zawka Portal an siam chu a himin a rintlak dawn bakah bungraw zuartu tan sum sen tur a awm dawn lo a ni a ti.

Mizomart e-Commerce Portal Training hi Dr. Lalthlamuana, Chief Informatics Officer, ICT Deptt. in a kaihruai a, MSeGS mithiamten training pein Pu H. Lalruatliana, Dy. Director, ICT Deptt. chuan lawmthu sawiin hun a khar a ni.