Mizoram rawn tlawhtu UN mithiamte chu la cham chhunzawm zelin vawiin khan Chaltlang a Zohanco Emporium, Upper republic Venga Hnamchhantu pawl factory leh Showroom leh Sihphir a Iskut Huan te an tlawh bakah Mizoram University a placement official te nen State Guest House ah inkawmna an nei a ni.

Team 3 ah inthen hrang in mithiam te hian hmun hrang hrang an tlawh a. Pu Sandeep Tandon leh Pi Manjula Bhuyan, UNIDO a thawk ve ve te chuan ZohanCo leh Hnamchhantu pawl te an hmuhma ensakin an hmalak dan leh an harsatna te an zir chiang a. Sihphir a Iskut huan neitu te chuan an huan te han tlawhsaktu Pu Sanjeev Kumar Gupta leh Pi Kalpana Tawakley, UNDP a thawk ve ve te an thlaithar chhuah te hralh dan kal hmang bakah an hmalakna then khat te leh an harsatna thenkhat te an lo hrilh hriat a.

Vawiin vek khan Mizoram University a Placement official-te leh FAO a thawk Pi Antonio Palewal chu State Guest House ah Mizoram University leh UNO te thawhho dan kawng sawiin an inkawm bawk a ni.