District Magistrate, Lunglei District, Lunglei chuan May ni 9, 2014 khan hetiang hian thupek a chhuah a ni :
"Tunlaiin Vawk pul hri (Viral Disease Porcine Reproduction & Respiratory Syndrome) Mizoram hmun thenkhatah a leng a. He hri lenna chhan hi kan thenawm Myanmar atanga Vawk lakluh vang nia hriat a ni.
Chuvangin Kei, Ashish Madhaorao More, District Magistrate, Lunglei District, Lunglei hian kan District chhunga cheng Mihringte leh kan vawk te an lo him zawk nan Section 144 Cr.Pc 1973 (Act II of 1973) in thuneihna min pek angin hetiang hian thupek ka chhuah e.
Kan thenawm ram Myanmar atangin tumahin Vawk vulh tur emaw ei tur emaw engti zawng mahin lakluh phal a ni lo.
He thupek hian, thu leh awm hma chuan Lunglei District chhungah, chhuah a nih atanga thla 2(Hnih) chhung a huam ang.
He thupek hi Court Seal chhu-in vawiin Dt.09.5.2014 hian hming ka ziak e."
