Aizawl District a MP Election 2014 a vote chhiar tura inbuatsaihna chu tluang takin kalpui zel a ni a. Vawiin khan vote chhiar ni May ni 16 a Counting Supervisor, Counting Assistant leh Micro Observers a ruat te tan nikhat awh training Aizawl DC, Election Branch chuan an buatsaih. Counting Supervisors te tan Assembly Conference Hall, Assembly Annex-ah; Counting Assistant te tan I & PR Auditorium-ah leh Counting Micro Observers te tan Horticulture Department Conference Hall-ah te training te hi neih a ni.

Pi H. Lalchhandami, Election Officer, Aizawl District leh Pu H. Lalhmingthanga SDO (Sadar), Aizawl District leh Master Trainer ni bawk te chuan Counting Supervisor te tana hriattur pawimawh te hrilhin training hi an ho.

Aizawl Disrict-a vote tla leh District dang zawng zawng a Postal Ballot te hi Mizoram Legislative Assembly Annexe building ah May ni 16 (Zirtawpni) zing 8:00 AM atangin chhiar a ni dawn a, hemi atan hian Counting Supervisor 122, Counting Assistant 119 leh Micro Observers 131 ruat an ni. Aizawl District Counting Centre-ah hian Counting Hall 7 ruahman a ni dawn a, Counting Hall tinah Counting Tables 14 awm tura ruahman a ni bawk.