MP inthlan neih zawh taka vote tla te tluang taka chhiar a nih theih nan Kolasib – a Vote chhiar tura ruat Countinhg Supervisor, counting assistant leh Micro observer te chu vawiin khan Kolasib DC Conference Hall-ah training neihpui an ni a. EVM a vote tlate dik leh felfai taka hawna chhiar a nih theih nan thil tul angte hrilh an ni.

Training hi Election Officer Pu R. Lalnghakliana, Pi K. Vanlalruati, SDO (S) leh Pu Lalrinawma, Master Trainer ten an pe a. Counting official ten zawhna an zawt bawk a ni.

Kolasib District chhung A/C bial pathum- Tuirial, Kolasib leh Serlui a vote tlate hi Land Revenue Office-ah zing dar 8 atangin chhiar a ni dawn a. Zing dar 5: 45-ah Counting officials tan Video Conference Hall-ah Randomnization neih hmasak phawt a ni ang. Tuirial leh Kolasib ah hian Polling station 24 ve ve awmin round hnihah chhiar a ni ang a, roung 1-ah Polling station 12 chhiar a ni ang. Serlui constituency chhungah hian Polling station 28 a awm avangin round 3-ah chhiar a ni thung dawn a ni.