Pu Hmingdailova Khiangte, Parliamentary Secretary chuan vawiin chawhmaah khan Tourist Lodge, Chaltlang-ah Hockey Mizoram General Body Meeting hmanpui in Mizoram ah Hockey khelh intihhmuh thar a tul thu a sawi.
Pu Hmingdailova Khiangte chuan Mizo ten an thiam leh an tuipui thin, hockey chu hun enge maw ti lai atanga khelh tam a hlawh loh avangin ‘Dying Game’ ti in mithenkhat ten an sawi thin chu a diklo a ni a ti a. Olympic Games tiak taah khan Mizo hmeichhe Olympian, India Hockey Team ah a tel a, kha khan hian Mizo ten hockey kan thiamzia leh hockey ah hmunsang zawk kan thleng thei a tilang chiang em em a ni a ti. Hockey ah Mizo thalai te an tui thar leh nan Hockey Association leh hockey ngaina mi te zawng zawng ten tan an lak thar a ngai ti in Mizoram sawrkar pawh hemi kawngah hian theihtawp a chhuah mek a ti a. Aizawl khawpui ah Hockey khelhna tur atan phullem phahna tur hmun remchang sawrkar in a dap mek tih a tarlang bawk.
Hockey Mizoram in report a pek dan chuan kum 2016-17 chhung hian Mizoram chu National Hockey championship ah vawi 5 tel a tum a. Olympian H.Lalruatfeli pawh October 29 atanga November 5, 2016 thlenga neih tur Women’s Asian Champion Trophy, Singapore ah a tel dawn tih tarlan a ni bawk.
