Tunhnai khan sorkar laipui Cabinet thukhawm chuan ramchhung State/UT te tan NIT thar din a rem ti a, hemi zingah hian Mizoram pawh telh ve a ni. NIT dinna tur dangte chu Manipur, Nagaland, Sikkim, Goa (Daman & Diu, Dadra & Nagar Haveli leh Lakshadweep a huam ang), Puducherry (Andaman & Nicobar Inslands a huam ang), Sikkim, Delhi (Chandigarh a huam ang) leh Uttarakhand te an ni.

NIT din hna hi kumin sorkar kum kal mek chhung hian tan nghal tura tih a ni a, Institute enkawltu tur Society, Board of Governors leh Director te ruat felin nakum 2010-2011 chhungin zirna bultan tura beisei an ni. NIT bunna hmun tur ram mamawhte chu heng state/UT te hian an buatsaih ve tura tih a ni bawk a, 50% seats chu state/UT chhung mi leh sate tan liau liau a ni ang. National Institutes of Technology Act, 2007 hmanga hetianga hmarchhak state leh UT te tana zirna in pawimawh tak din rawt chhuahna bul ber chu henglai bial michengte dawmkanna leh technology lama zirtirna tha zawk pek an nih theih nan a ni.

Mizoram hi Scheme A-ah dah niin a pumpuia sum senral tur bithliah pawh Rs.250 crores a tling a, puitlin a nih hunah chuan a chhawr tangkai ber tur chu Mizoram mi leh sate an ni ang. Tunah hian India ram pumah NIT 20 a awm mek.